Postales Rotas
Principáu d’Asturies | Zig Zag Danza
Ente 1840 y 1940, más de 300.000 mozos y moces migraron
dende Asturies escontra América. En 1880, el 21% yeren muyeres;
en 1920, el 40%. Cada viaxe individual contribuyó a un
cambéu global. Somos fíos de la emigración.
‘Postales rotas’ retrata esti procesu históricu dende la voz
d’una muyer que se comunica al traviés de cartes qu’escribe,
que nun se lleen, que se ruempen, que nun s’unvien…
‘’Toi nun espaciu que ye tierra de naide y buelga de muncha
xente, onde la palabra llibertá yá nun significa namás que
soledá o amor y esta sensación de la mesma da paz, serenidá
y tamién daqué de final y principiu. Nun voi dexar d’escribite…’’
RAMÓN OLLER
Zig Zag Danza ye una compañía de referencia en danza contemporánea
que crea propuestes innovadores pa tolos públicos.
Les sos propuestes recibieron diversos premios y participaron
nos festivales y programaciones más relevantes del nuesu país.
El so trabayu, presente n’escenarios nacionales ya internacionales,
apuesta pola emoción, la calidá y la accesibilidá, averando
la escena a nuevos públicos.
Dirixida pola coreógrafa Estrella García y con más d’una ventena
de producciones y coproducciones, la compañía celebra en 2025
los sos 25 años de trayectoria ininterrumpida.
El so proyectu ‘Postales rotas’ faise col Premiu Xovellanos a
la Producción Escénica 2024, llogrando amás 6 nomaciones y
4 Premios Oh! de les Artes Escéniques 2025, incluyendo’l de
Meyor Espectáculu.
