Juana I de Castilla
La Rioxa | Nueve Lunas Teatro
Dos muyeres reales puestes al serviciu de la ficción: Juana, heredera lexítima del tronu de los Reis Católicos, y María Lara, doctora investigadora contemporánea. Un diálogu atemporal, un venceyu máxicu o quiciabes non tantu. Podríen ser amigues que s’atopen onde nun pasa’l tiempu o, inclusive, la mesma persona.
Dos momentos de la historia entemécense n’escena, dexando albentestate circunstancies que nun camudaron magar los sieglos que les separen. Les duldes, el mieu, la presión social, les mentires, l’ambición…
Más conocida como la Lloca, Juana resultó ser una de les monarques más cuerdes y preparaes pa gobernar de tola historia. ¿Y si nun taba lloca?
Nueve Lunas Teatro ye una compañía de La Rioxa liderada por Idoia Salguero, profesional escénica dende 2013, productora y creadora de proyectos propios qu’amiesta la llixereza formal con temes sociales. Un teatru íntimu y tresformador que busca la conexón directa col públicu, apostando pola cercanía y la participación como motores d’escena. Les sos propuestes son accesibles, de munchu valor humanu, con una mirada comprometida y sensible. Crea espacios de reflexón y xenera sinerxíes col territoriu, fortaleciendo la escena rioxana.
Caracterízase por un teatru contemporáneu y conmovedor.
Nueve Lunas remite a los ciclos de xestación; cada creación ye un proceso vivu que traviesa distintes fases, dende la primer intuición hasta la so nacencia escénica.
