Globe Story
El perro azul | La Rioxa
‘Globe Story’ ye una historia d’amor.
‘Globe Story’ es ye una histeria d’humor.
Una flechazu amorosu axunta pa siempres les vides de Greta
y Max. Van tener un preciosu ñácaru, van vivir la so lluna de
miel nun cruceru, van escorrer a un amante, van baillar una
torbonada y van rise de la enfermedá nun esbarriáu hospital.
Van vivir apasionadamente les sos risibles aventures, hasta
acabar, lliteralmente, col corazón na mano.
‘Globe Story’ valse de la comicidá y el ritmu azogosu del cine
mudu para cuntar una historia d’amor. Ambientáu nun espaciu
cinematográficu, apaecen como salíos d’un reveláu antiguu
en tonos sepia. Dambos sírvense de dos escaleres, un bagul y
una montonera de globos pa inventar xingadorios, nubes,
montes, ñácaros, barques, sableres o corazones.
El Perro Azul ye un proyectu d’artes escéniques creáu y
dirixíu por Fernando Moreno. Naz en 2010, en Logroño, dende
una mirada artística personal y venturera, col enfotu de crear
espectáculos y espacios d’exhibición escénica capaces d’emocionar
al públicu de cualesquier edá. Acullá del meru entretenimientu,
el trabayu de la compañía busca que l’espectador
participe d’un alcuentru evocador sobro l’escenariu. Un espaciu
común onde habitar les nueses entrugues y suaños.
Participó n’importantes festivales nacionales y internacionales:
FETEN, MADferia, Teatralia, Umore Azoka, Mostra Igualada,
FIET, Festival Off Avignon (Francia), CINARS Biennale (Canadá),
NAJ NAJ NAJ Festival (Croacia), Luaga & Losna (Austria),
Scènes & Cinés (Francia) y Programa AECID (Mazedonia y Eslovenia).
