”Zozobra”, La Roca Producciones – Acar Teatro del Mundo (Asturies)

¡Da gloria veles! Como acabantes de llegar d’otru tiempu. Fálen ente elles, gláyense y nun se miren, porque caúna va a lo suyo.
Doña Carmen decreta y determina cual águila imperial, rezando y mentando a Dios costantemente, arrenegando ente rezos y plegaries. Alejandra lleva la carga y emburria decidida la siella a ritmu vivu de pasudoble… Va tiempu que decidió nun pensar. El so oxetivu ye’l trabayu y va selo hasta’l día que Dios quiera -el dios de la so señora, claro-, anque yá que falten munchos años pa que quiera. Y frente a dambes, el mundu.

Compañía profesional dirixida por Roca Suárez. La Roca Producciones produz espectáculos con autores contemporáneos pa públicu adultu. Les dramaturxes créanse o bien al traviés d’un testu, o d’una creación colectiva, buscando un teatru vivu, qu’emocione, que provoque y nun dexe indiferente al espectador. Los montaxes teatrales toquen temes d’actualidá, como asina asocede nes sos trés producciones: ‘Porno’, ‘Los polvos melancólicos’ y ‘Zozobra’.

Entrada llibre hasta completar aforu.

Actividá que forma parte del Programa Te mueve, 2025 entamáu pola Vicepresidencia de la Diputación de Llugo – Serviciu de Cultura-.