”Una mera curiosidad”, Producciones Maestras (Navarra)

Artemisia Gentileschi, pintora barroca italiana, güei decidió salir del so marcu y abandonar les dos dimensiones pa venir cuntanos daqué. Nun tien bien claro’l porqué, pero nun podía permanecer impasible énte’l soceder de los tiempos. Quiciabes nós podamos ayudala a resolver esa esmolición que-y reconcome per dientro…
‘Una mera curiosidad’ ye una obra de teatru, una comedia que se sirve del arte pa tratar temes fondamente actuales y
humanos. De la mano d’una pintora reconocida, y munchos años escaecida, vamos realizar un risonderu y emocionante percorríu pela so vida y obra, ensin perder de vista un presente que, bonalmente, esmolez-y.

Producciones Maestras ye una compañía navarra que produz espectáculos teatrales de creación propia pa sala, empobinaos a públicu adultu y mozo, asina como pa públicu familiar.
Los sos últimos montaxes pa públicu adultu fueron ‘Una mera curiosidad’, ‘La Malpagá’ y ‘Loco desatino’. Pa públicu familiar fixeron los espectáculos tanto en castellán como n’euskera: ‘Mis miedos favoritos’ (‘Nire beldurrik maiteenak’), o ‘Como un pez’ (‘Arrain bat bezala’).
La compañía tamién desendolca programes propios como’l Festival LitercreArte Jaialdia, proyectu de cocreación y mediación alredor de la lliteratura y el teatru qu’axunta a les árees de cultura y biblioteques públiques de les localidaes participantes, o’l Proyectu Brúxula, campaña escolar autonómica.

Entraes en taquilla. Preciu, 2€.