”Progreso”, Olatz Gorrotxategi (Euskadi)

‘Progreso’ ye un espectáculu sobro’l plásticu y la especie humana. Ye un reportaxe grabáu a tiempu real onde trés documentalistes interpreten una colección d’oxetos inanimados.
Ye una sociedá creada a la nuesa imaxe y semeyanza, agospiada nuna planta sintética d’un set de grabación. Ye’l colapsu d’un planeta. Ye una sinopsis falsa que diz daqué asina: “Bienvenue, merci, mon ami”. Ye l’empiezu o’l final de
daqué. Ye una pieza performativa de teatru documentu empobinada a “homo sapiens” que sepan lleer. Ye un espectáculu que diz que’l plásticu ye malo, pero que la xente ye bono.

LLicenciada en Performance y diplomada n’Artes Escéniques, Olatz Gorrotxategi ye directora d’escena, dramaturga, actriz y docente d’artes escéniques, amás de cuntar con una amplia esperiencia na xestión y producción escénica.
El so trabayu ta enfocáu tanto a la producción propia como a la collaboración con otres compañíes estatales y vasques. Ente la so técnica destaca la investigación na dramaturxa y nuevos llinguaxes y la so esperiencia nel teatru documentu.

Entrada llibre hasta completar aforu.