”El dilema del corcho”, Tartean Teatro (Euskadi)

El profesor xubiláu, izquierdista, polémicu, axitador y bien prestixosu, tien un cáncanu terminal, pero surdió la posibilidá de curación: puede recibir tratamientu con ún de los equipamientos de radioterapia qu’un conocíu multimillonariu donó al sistema públicu de salú. Agora él tien de decidir si ser fiel a los sos principios ya inmolase, o baxase los pantalones y besa-y el culu al filántropu.
Güei tomó una decisión. Cuando ta preparando la so alocución, un desconocíu, un antiguu alumnu col que tien cuentes pindies, apruz nel so despachu.

Tartean Teatro apuesta pola creación orixinal. Esto ye, na compañía creamos, producimos y distribuyimos espectáculos propios. Toles nueses obres son orixinales y creámosles en grupu, dende’l xerme inicial hasta’l so final sobre l’escenariu.
Ye un teatru contemporáneu que fala de les esmoliciones del nuesu tiempu, basáu nel teatru aristotélicu (la palabra y la trama), remanando les nueves formes y utilidaes qu’ufierta’l teatru postdramático, en cada momentu y según pida la propuesta.
Esti tipu de teatru usa rexistros de comedia y traxedia, y munches vegaes combinamos dambos nuna mesma pieza: drama con burbuyes de comedia o comedia con toques de drama.

Entraes  en taquilla y en www.palaciofestivales.com Precios 5 y 7€.