”Te regalo el sol”, Sapo Producciones (La Rioxa)

Ofelia y Eulogio apaecieron muertos nun suétanu del xeriátricu nel qu’él tuvo ingresáu mientres 5 años. 5 años nos que Ofelia visitó al so home tolos díes.
Ye’l cumpleaños de Eulogio y Ofelia preparólo too. Van celebrar xuntos, como siempres dende fai 80 años. ‘Te regalo el sol’ reivindica la tenrura, el ciñu y l’afalagu como forma de supervivencia nes más terribles circunstancias.

Compañía y empresa de teatru de Logroño (La Rioxa), con más de 25 años d’historia, creada por Martín Nalda y Josué Lapeña en 1995. Llevemos a cabo montaxes de bien diversos estilos.
Dende entós y hasta agora quepe destacar, sobremanera, los nuesos espectáculos “a la carta” colos qu’ufiertamos una forma de faer teatru vital, risondera y sutilmente transgresora, y cola que s’apuesta por creaciones nes que lo fundamental ye la imaxinación y la sorpresa. Estos montaxes, de calter esclusivu, caracterícense por adaptase a les esixencies del veceru (presupuestu, tema, públicu, espaciu y duración). Los numberosos espectáculos llevaos a cabu pola nuesa compañía desendolcáronse a lo llargo de tola xeografía española.

https://onedrive.live.com/?qt=allmyphotos&photosData=%2Fshare%2F4800C8C6C2F2B106%21709137%3Fithint%3Dvideo%26e%3DfvqpqI%26migratedtospo%3Dtrue&sw=bypassConfig&cid=4800C8C6C2F2B106&id=4800C8C6C2F2B106%21709137&redeem=aHR0cHM6Ly8xZHJ2Lm1zL3YvcyFBZ2F4OHNMR3lBQklxNlFSYi1SODZGWnMzX1NEWEE%5FZT1mdnFwcUk&v=photos

Entrada llibre hasta completar aforu.