Peter Pan y Wendy
El perro azul | La Rioxa
Tolos neños crecen, sacante ún: Peter Pan.
La neña Wendy dexa la so casa y marcha volando con Peter Pan y Campanilla, al país de Nunca Enxamás, una islla máxica, colos neños perdíos, les fades y les serenes, pa vivir fantástiques aventures en compañía de los indios, engarrándose colos pirates y el so capitán, Garfío. Finalmente, Wendy torna a casa colos neños perdíos.
Peter Pan va volver pasaos los años, al llegar la fiesta de primavera y, si nun s’escaez, va llevar a la fía de Wendy al país de Nunca Enxamás. Cuando la neña creza, va tener una fía que tamién va dir al país de Nunca Enxamás.
Y asina va asoceder siempres, mientres los neños sigan siendo allegres, inocentes y crueles.
El Perro Azul ye un proyectu d’artes escéniques creáu y empobináu por Fernando Moreno. Naz dende una mirada artística personal y arriesgada, col enfotu de crear espectáculos capaces d’emocionar al públicu de cualesquier edá. Acullá del meru entretenimientu, el trabayu de la compañía busca que l’espectador participe d’un alcuentru evocador sobro l’escenariu. Un espaciu común onde habitar les nueses entrugues y suaños. Creamos al traviés del llinguaxe xestual, onde’l cuerpu del actor fala, mientres les sos palabres pueden volar.
El Perro Azul tien participao en importantes feries y festivales nacionales: FETEN (Gijón), MADferia (Madrid), Teatralia (Madrid), Umore Azoka Leioa, Mostra Igualada, FIET (Islas Baleares), el Circuitu ASSITEJ o en el Programa PLATEA, ente otros.
