- Este evento ha pasado.
Olivia y las plumas en Arzúa (A Coruña)
25 Setembro, 2021, 6:00 p.m. - 7:00 p.m.
Gratis
Espectáculo baseado no libro co mesmo título de Susanna Isern, ilustrado por Esther Gili e editado por Savanna Books.
Olivia, a protagonista desta historia, vive nunha pequena vila preto do bosque. Olivia ten un segredo e é que posúe un don especial: pode comunicarse cos animais.
Grazas a este don, un día descobre que o lago está a se secar e que os peixes precisan chegar ao mar. Estes pídenlle que busque plumas para axudalos.
Nese momento, Olivia comeza unha intensa procura para recoller ducias de plumas. Pídellas aos pardais, ás cegoñas viaxeiras, á temible aguia… Pasado un tempo, Olivia consegue moitísimas plumas, pero non sabe que facer con elas. Unha noite, mentres fita o ceo estrelado, o vento leva cada unha das súas plumas para dar vida a unha auténtica maxia: Olivia entenderá o por que de tantas plumas, desencadeando nun final sorprendente.
La Machina Teatro, a compañía
Compañía profesional desde 1991, realizou corenta producións percorreu toda a xeografía española, participando nos máis importantes festivais de teatro, formando parte das programacións de redes e circuítos e realizando xiras por todas as comunidades autónomas. Así mesmo, tivo unha presenza internacional representando os seus espectáculos en festivais de Brasil, Estados Unidos de América, Portugal, Bosnia‐ Herzogovina, Italia e Guinea Ecuatorial, algúns deles da relevancia do FITEI do Porto (Portugal), Festival Internacional de Londrina FÍO (Brasil) ou do Festival Internacional de Teatro Experimental de O Cairo (Exipto).
Tamén ha desenvolve un traballo no campo da pedagoxía, a xestión cultural e a produción técnica e artística.