Crearemos un lugar onde relacionarnos co noso corpo, o espazo, o tempo, a escoita, a sonoridade e o que nos rodea. Atravesaremos paisaxes do corpo con diferentes frases de movemento, chegando a diferentes calidades e dinámica. Dimensionando o corpo no espazo. O horizontal e o vertical como procura da nosa danza natural. Unha vez os corpos atravesen esta bagaxe engadiremos ferramentas de creación e improvisación que utilizamos en “La naturaleza del silencio”. Entregarémonos a vivir o corpo como unha experiencia única, un laboratorio en constante aprendizaxe.
Número de prazas: 10. Dirixido a profesionais, estudantes e persoas interesadas na danza.
Imparte: Babirusa Danza.
Forma de inscrición: Vía correo-e a coordinacion@escenanorte.com indicando título da actividade, nome e apelidos, teléfono e correo-e da persoa interesada.