- Este evento ha pasado.
Beautiful Stranger en Carballo (A Coruña)
8 Outubro, 2022, 8:30 p.m. - 10:00 p.m.
5€O 21 de maio de 2019, Ión Iraizoz celebrou o seu corenta aniversario facendo unha festa/performance á que chamou “O último martes antes de cumprir 40”. Nela, o seu pai leu un relato que a súa nai escribira durante o embarazo, e que permanecera oculto ata entón.
En “Beautiful stranger” Ion Iraizoz interprétase a si mesmo para tratar de reconstruír a súa festa de aniversario coa complicidade do público. Mirará ao seu pasado, para situar ao espectador en metade dun cruzamento de camiños entre a realidade e a ficción.
“Beautiful Stranger” é unha peza híbrida, entre a autoficción, a comedia existencial e a linguaxe cinematográfica, que trata sobre como a memoria é invadida constantemente pola imaxinación, e sobre as múltiples identidades que caben na vida dunha persoa.
En “Beautiful Stranger” hai soliloquio con todos e diálogo cun mesmo. Hai vodevil e cinema, hai maxia e realidade. Hai soños imposibles e resultados impredicibles. Hai procura do outro que fomos, ou que poderiamos chegar a ser.
A compañía: La Caja Flotante
La Caja Flotante é un proxecto iniciado por Ión Iraizoz en 2011, centrado na creación contemporánea, as novas dramaturxias e a procura de dispositivos escénicos capaces de darlles vida. Nos últimos anos fómonos achegando a un espazo que está na fronteira entre o teatral e o cinematográfico.
Que tipo de teatro facemos, como e con quen queremos traballar, que é o que nos interesa e como nos interesa contalo, preguntas apaixonantes que nos seguimos facendo en cada proceso e a través das cales seguimos construíndo a nosa identidade como compañía.