Amantis’ conta a historia de M, un rapaz de barrio obreiro que quere ser influencer, amado, aceptado.

Nese camiño ha atopar as trampas dun universo intanxible no que case nada é o que parece e no que ha descubrir que el mesmo non é quen pensaba que era.

Rebordelos

Desde Rebordelos producimos espectáculos que convidan a un goce estético e sensorial desde narrativas que cheguen e inclúan todo tipo de persoas no pracer e a experiencia escénica.

Os nosos intereses pivotan en torno ás voces infrarrepresentadas do relato, a recuperación da memoria e a achega a un patrimonio cultural común.

Apostamos por espazos seguros de creación, respectuosos cos tempos desta como método para alumear pezas vitalistas, coidadas e feitas desde os coidados.