Tal vez soñar

Tal vez soñar Shakespeareren unibertso femeninoa aztertzeko bide ludikoa da, hiru obraren bitartez: Hamlet, Otelo eta Veneziako merkataria; bidaia horretan hiru gidari oker eta transgresore izango dira: Macbethen sorginak. Antzerkia da ziurrenik inguruan duen gizartea gehien islatzen duen artea, historikoki matxis- ta den gizartea. Antzerki isabeldarraren garaian ere gizartea hala zen, baita inoiz sortutako dramagile onenaren antzerkia

bera ere: William Shakespearerri buruz ari gara. Pare bat adibiderekin aski da: Hamlet lanak, inoiz idatzitako obra dramatikorik onenak, hogeita zortzi pertsonaia ditu, eta horietatik bi baino ez dira emakumeak. Eta, hain justu ere, ez dute patu zoriontsurik: Gertrudis oso inozente eta ezjakina da, eta ia-ia tuntuna ere bada; eta Ofeliak, mutil lagunak uzten duenean (Hamlet printzeak), bere buruaz beste egitea beste aukerarik ez du ikusten.