‘Gorpuztu’ dantza garaikideko ikuskizuna da, zuzeneko musika duena eta orekaren bilaketari buruz hitz egiten duena.
Bare egotea lortzeko borroka da, zarata isilaraztekoa, zama eta errua arintzekoa, animaliak lo lasai egingo duen toki bat aurkitzekoa.
Zenbait erlijiotan, zenbait unetan, gorputzaz egiten duten erabilerari buruzko ikerketa batetik jaio da. Gorputza hainbat zatitan banatuta, otoitz egiteko orduan mugimendu-ekintzak behatuta eta erlijio desberdinetan presente dauden kontzeptu batzuetatik igarota, hala nola errua, penitentzia, transzendentzia, maitasuna, sumisioa…, jaio da ‘Gorpuztu’.

Cía Eva Guerrero

Cía. Eva Guerrero taldeak kaleko eta aretoko dantzaikus kizunak sortu ditu, adibidez, ‘El fin de las cosas’ (Karrikan saria), ‘Gorpuztu’ eta ‘LOF Ladies on Fight’, egungo poetikak, zuzeneko musika eta gorputz adierazkorrak nahasten dituztenak. Gainera, konpainiak beste proiektu batzuk proposatzen ditu, dantza publiko berriei hurbiltzeko (esate baterako, liburuak, bideodantzak, murgiltzeproiektuak errealitate birtualeko betaurrekoetarako…).

Konpainiaren lanak, adibidez, Umore Azokan, DFerian eta Valladolideko TACen, Estatuaren barnean, Korsikan, Biarritzen eta Bordelen ikusi ahal izan dira azken urteetan. ‘Gorpuztu’ bitan izan da Max sarietarako hautagai.