Olivia y las plumas en Ribadesella (Asturies)

Espectáculu basáu nel llibru col mesmu títulu de Susanna Isern, ilustráu por Esther Gili y editáu por Savanna Books.

Olivia, la protagonista d’esta historia, vive nun pueblín pequeñu a la vera la viesca. Olivia tien un secretu y ye que tien un don especial: puede comunicase colos animales. 

Gracies a esti don, un día afaya que’l llagu ta ensugándose y que los pexes precisen aportar al mar. Estos píden-y que busque plumes pa ayudalos. 

Nesi momentu, Olivia entama una busca intensa pa pañar decenes de plumes. Pídi-yosles a los gurriones, a les cigüeñes viaxeres, a la tarrecible águila… Pasáu un tiempu, Olivia axunta bien de plumes, pero nun sabe qué facer con elles. Una nueche, mientres mira en tientes el cielu estrelláu, el vientu lleva caúna de les sos plumes pa dar vida a una auténtica maxa: Olivia va entender el porqué de tantes plumes, desencadenando n’un final sorprendente.

La Machina Teatro, la compañía

Compañía profesional dende 1991, tien feches cuarenta producciones y percorrida tola xeografía española, participando nos más importantes festivales de teatru, formando parte de les programaciones de redes y circuitos y realizando xires por toles comunidaes autónomes. Coles mesmes, tuvo una presencia internacional representando los sos espectáculos en festivales de Brasil, Estaos Xuníos d’América, Portugal, Bosnia‐Herzogovina, Italia y Guinea Ecuatorial, dalgunos d’ellos de la relevancia del FITEI de Porto (Portugal), Festival Internacional de Londrina FILU (Brasil) o del Festival Internacional de Teatru Esperimental d’El Cairo (Exiptu). 

Tamién desendolca un trabayu nel campu de la pedagoxía, la xestión cultural y la producción técnica y artística.