El cuerpu y la tierra estrechen los sos llazos nun espectáculu de danza y música que nos tresporta a la dura guapura de los llabores del campu.

La muyer nel centru d’esta conexón telúrica, día y nueche, xornada tres xornada repitida nuna sucesión inacabable d’estaciones. El sol y l’agua, el vientu xeláu, crudos paisaxes d’abertal habitaos namái por una coreografía humana de preseos de llabranza, de cuerpos que carguen y arrastren, que dancien ente riegos llabraos na tierra.

Pero LEIRA ye tamién la cenciella allegría del trabayu fechu coles manos, cola valentía del cuerpu a cuerpu. La celebración d’una Galicia intemporal y máxica.

Nova Galega de Danza, la compañía

Nova Galega de Danza ye la resultancia d’un procesu qu’entamó en 1988, cuando los baillarinos Vicente Colomer y Jaime P. Díaz, algamen la so madurez artística y profesional y deciden concentrar esfuerzos pa satisfaer les sos moliciones na gueta de nueves formes d’espresión qu’axunten la tradición folclórica gallega cola danza contemporánea. Xuntos algamen con Sinerxies el Segundu Premiu del I Certame de Creación Coreográfica de Galicia, el Cuartu Premiu nel I Maratón de Danza de Madrid, y queden finalistes nel Certame Nacional de Danza Española y Flamencu de 2002.

Pero habría qu’esperar hasta l’añu 2003 pa ver el primer montaxe robláu pola nueva formación, Alento, al que siguieron Engado (2006), Tradicción (2008), Dez (2013) y Son (2016).

Nova Galega de Danza xune en directu dancia y música de raigañu gallegu, tradición y vanguardia con vocación universal.