Habitación Peregrina PRO

Ente’l 14 y el 16 de setiembre nel Centru Cultural O Vello Cárcere de Lugo va celebrase a segunda edición d’HABITACIÓN PELEGRINA PRO, alcuentru profesional d’artes escéniques de Camín Escena Norte.

Centráu en conectar a los distintos axentes del sector nes 4 CCAA participantes nel proyectu, esta iniciativa tien el formatu d’un alcuentru profesional con unos focos d’interés bien claros: l’alcuentru y sinerxies ente les compañíes y les/los creadores, la reflexón y formación alredor de dalgunos de los retos qu’encara’l sector escénicu post-pandemia y les posibilidaes de promoción, visibilización y distribución de les compañíes nos distintos territorios de Camín Escena Norte.

La propuesta

Habitación Pelegrina PRO ye una propuesta que surde dientro’l proyectu Camín Escena Norte, concretamente dientro la so programación espandida Camín Espandíu. Recueye’l títulu del programa de residencies de creación basaes nel intercambiu entre CCAA qu’implementamos na 1a edición (2019), na qu’identificamos de manera nidia que nun esiste una conocencia en fondura nin una relación estable de sinerxies ente les compañíes y axentes profesionales del sector de les artes escéniques qu’operen nos 4 territorios implicaos nesti proyectu: Galicia, Asturies, Cantabria y Euskadi.

L’oxetivu principal de Camín Escena Norte ye’l de crear un nuevu corredor cultural articuláu per mediu d’esti nuevu territoriu compartíu, que sirva tamién pa la conocencia mutua por aciu de la producción cultural de cada CCAA nel campu de les artes escéniques.

Asina, amás de poner en contactu al públicu con espectáculos y actividaes paraleles a los que d’otra manera nun aportaríen, Camín Escena Norte pretende d’igual manera enchir el marcu de la so propia programación, faciendo posible la interrellación ente territorios y les sinerxies profesionales ente compañíes de Galicia, Asturies, Cantabria y Euskadi.

Habitación Pelegrina PRO quier ser un espaciu de convivencia profesional onde’l centenar de compañíes qu’abarquen les asociaciones promotores (Escena Galega, EscenAsturias, Acepae y Eskena), más toes aquelles del sector que quieran axuntase a la actividá, puedan entrar en contactu, conocer les sos llínees de trabayu y propuestes estétiques, conocer la realidá de los estremaos circuitos de programación, esplorar víes de coproducción y trabayu conxuntu y algamar les propuestes de formación que sían d’interés pal so desenvolvimientu profesional.

Asina mesmu, l’alcuentru pretende ser un focu de reflexón y conocencia sobro la realidá del sector nes circunstancies actuales, con una 2a edición del alcuentru qu’entamamos gracies a la gran acoyida y les resultancies de la propuesta nel añu 2020.

Puede revisase tola información equí.