‘Gorpuztu’ ye un espectáculu de danza contemporánea con
música en directu que fala sobro la busca del equilibriu.
Ye una llucha por tar sele, por callar el ruiu, por allixerar la
carga y la culpa, por atopar un llugar onde l’animal duerma
tranquilu.
Naz d’una investigación sobro l’usu del cuerpu en determinaos momentos en determinaes relixones.
Dividiendo’l cuerpu en delles partes, mirando con procuru acciones de movimientu a la hora del rezu y pasando per conceptos como culpa, penitencia, trescendencia, amor, sumisión… presentes en relixones estremaes, ñaz ‘Gorpuztu’.

Cía Eva Guerrero

La Cía. Eva Guerrero creó espectáculos de danza de cai y
sala, como ‘El fin de las cosas’ (Premiu Karrikan), ‘Gorpuztu’
y ‘LOF Ladies on Fight’, qu’entemecen poétiques actuales, música en directu y cuerpos espresivos. Amás, dende la compañía proponen otros proyectos p’averar la danza a nuevos públicos (como llibros, videodanzas, proyectos inmersivos pa
gafes de realidá virtual, etc.).
Los sos trabayos viéronse en Umore Azoka, DFeriao’l TAC de
Valladolid, dientro del estáu, y en Córcega, Biarritz o Burdeos
los últimos años. ‘Gorpuztu’ foi dos vegaes candidatu a los
Premios Max.